តារាកំប្លែង វ៉ាន់ នីឡា និងលោក ផន រង្សី និស្ស័យស្នេហ៍បានត្រឹមតែជាគូដណ្តឹង?

បានត្រឹមគូដណ្តឹង

គ្រប់គ្នាច្បាស់ជាបានដឹងលឺពីការភ្ជាប់ពាក្យរបស់តារាកំប្លែងរូបស្រស់កញ្ញា វ៉ាន់ នីឡា  ដែលបានប្រារព្ធឡើងតាមប្រពៃណីខ្មែរ ជាមួយនឹងលោក ផន រង្សី វ័យ២៤ឆ្នាំ ដែលត្រូវជាកូនប្រុសក្នុងត្រកូលគ្រួសារថៅកែល្ខោនបាសាក់វង់ ភី សុគន្ធធី កាលពីឆ្នាំ២០១៦កន្លងទៅ រីឯទំនាក់ទំនងអ្នកទាំងពីរក៏រលូនទៅមុខមិនដែលលេចឮរឿងអាស្រូវអ្វីនោះទេ ប៉ុន្តែស្រាប់តែថ្ងៃនេះ តារាស្រីរូបនេះបានបង្ហោះសារចម្លែកមួយនៅលើគណនីហ្វេសប៊ុកផ្ទាល់ខ្លួនរបស់នាងថា “គ្រប់យ៉ាងគឺចប់ សុំទោសដែលមិនអាចកាន់ដៃអ្នកបន្តទៅមុខទៀតអរគុណគ្រប់យ៉ាងដែលបានផ្ដល់អោយសំណាងល្អណាReng Sey” ។

បន្ទាប់មកទៀត គូដណ្ដឹងរបស់តារាស្រីរូបនេះក៏បានស៊ែរនូវសារនិងរូបភាពនោះដោយបានបន្ថែមថា “មិនបាច់សូមទោសទេអូន។អ្វីដែលអូនធ្វើគឺត្រឹមត្រូវហើយ ជិតបីឆ្នាំហើយដែលយើងស្រឡាញ់គ្នាដោយមិនមានការបង្ខិតបង្ខំពីចាស់ទុំឡើយហើយបងក៍មិននឹកស្មានថាមានរឿងបែបនេះចូលមកក្នុងជីវិតបងដែរ។ បងមិនខឹងនឹងអូនទេព្រោះបងតែងគិតថាបងមិនសាកសមនឹងអូននោះទេទាំងរូបរៀងទាំងការងារ។បងត្រឹមជាមនុស្សប្រុសធម្មតាម្នាក់រូបរៀងក៍មិនស្អាតមិនទាន់សមយ័អត់ចេះsweet អីដូចគេនោះទេ។ 

ត្រឹមជានាក់រកសុីធម្មតាម្នាក់ទំរាំបានលុយគេអត់ងងុយស្អុយភ្នែកញើសហូរដាបខ្លួនមិនសាកសមអីនឹងអូនជាតារាល្បី ស្អាត មានគេស្រឡាញ់គាំទ្រច្រើន។ អូនដឹងហើយតាំងពីភ្ជាប់ពាក្យមកទល់នឹងពេលនេះបងតែងតែត្រូវគេរិះគន់ប្រមាថតិះដៀលថាបងចេះថាបងចុះតែបងមិនដែលខ្វល់ទេព្រោះវាមិនមែនជាការពិត។បងតែងតែខំប្រឹងប្រែងរកសុីទាំងឈឺទាំងជាព្រោះចង់សំរេចគោលដៅមុនពេលយើងរៀបការ តែគ្រប់យ៉ាងវារលាយអស់ហើយ ពេលអត់ពីបងត្រូវធ្វើជាក្មេងល្អណាក្មេងក្បាលរឹង ជូនពរអោយអូនជួបមនុស្សល្អនឹងសាកសមនឹងអូន។ ធ្វើមិចបើនិស្សយ័ពួកយើងបានត្រឹមគូដណ្តឹង”។ យ៉ាងណាក្ដី រឿងដែលកើតឡើងចំពោះស្នេហាអ្នកទាំងពីរក៏មិនទាន់ច្បាស់ការនៅឡើយនោះទេ ប៉ុន្តែសង្កេតឃើញថាមានអ្នកចូលខំមិនផ្ដល់យោបល់អោយពួកគេនិយាយសម្រួល និងដោះស្រាយបញ្ហាជាមួយគ្នាព្រោះគ្រប់គ្នាមិនចង់ឃើញអ្នកទាំង២បែកបាក់គ្នា៕